საქართველოში არიან ექსპერტები, რომლებიც, სამწუხაროდ, არ ჩანან და არიან იარლიყმიკერებული ექსპერტები, რომელთაც არამხოლოდ ანალიზი არ შეუძლიათ, წაკითხვაც კი არ შეუძლიათ კონკრეტული ტექსტების – ასე უპასუხა პარლამენტის თავმჯდომარე ირაკლი კობახიძემ ექსპერტების შეფასებებს იმის შესახებ, რომ აჭარის მთავრობაში შესაძლოა სამინისტროების რაოდენობა გაიზარდოს.
”მაინტერესებს სად წაიკითხეს ამ ექსპერტებმა, რომ იზრდება სამინისტროების რაოდენობა? – აქ საუბარი იმაზე კი არ არის, რომ ვერ აანალიზებენ რამეს, ვერ კითხულობენ. ეს არის პრობლემა ჩვენთან. ეს არის პრობლემა, რომელიც აქვს ჩვენს ე.წ. ექსპერტულ საზოგადოებას. არიან ექსპერტები, რომლებიც არ ჩანან, ესენი არიან ნამდვილი ექსპერტები და არიან „იარლიყმიკერებული“ ექსპერტები, რომლებსაც არა მარტო ანალიზი არ შეუძლიათ, წაკითხვაც კი არ შეუძლიათ კონკრეტული ტექსტების. ეს არის სამწუხარო რეალობა”, – განაცხადა ირაკლი კობახიძემ.