სერბეთის ახალი პრეზიდენტი ალექსანდრე ვუჩიჩი ბელგრადში საქართველოს საგარეო საქმეთა მინისტრს შეხვდა. ინფორმაციას ვუჩიჩის პრესსამსახური ავრცელებს. საუბარი ქვეყნებს შორის ურთიერთობათა გააქტიურებას შეეხო.
ჯანელიძემ ვუჩიჩს პრემიერ-მინისტრის გიორგი კვირიკაშვილის მილოცვის წერილი გადასცა, რომელშიც საუბარია პოლიტიკური ურთიერთობებისა და ეკონომიკური თანამშორმლობის გააქტიურების სურვილზე.
ჯანელიძემ სერბეთის პრეზიდენტი საქართველოში მოიწვია. საუბარი ასევე შეეხო ტურიზმის განვითარებას და ბელგრადსა და თბილისს შორის პირდაპირი ავიამიმოსვლის შესაძლებლობას.
ვუჩიჩის პრესსამსახურის ცნობით, სერბეთის პრეზიდენტმა საქართველოს კოსოვოს არაღიარებისთვის მადლობა გადაუხადა.
ბელგრადში სერბეთის პრეზიდენტის ინაუგურაციის ცერემონია იმართება.
კომენტარები