“ეს ცნობა არ შეესაბამება სიმართლეს და ჩვენი ქვეყნისადმი არაკეთილგანწყობილი პროპაგანდის ნაწილია. მსგავსი ხელშეკრულება ბუნებაში არ არსებობს,”– ამის შესახებ საპარლამენტო უმრავლესობის ლიდერმა არჩილ თალაკვაძემ ტელეკომპანია “რუსთავი 2”-ში გასულ სიუჟეტთან დაკავშირებით განაცხადა, რომელშიც პენტაგონიდან მოწოდებულ დეოკუმენტზეა საუბარი, სადაც ნათქვამია, საქართველოდან საბრძოლო მასალის შეერთებული შტატებისთვის მიყიდვის შესახებ.
დოკუმენტში წერია, რომ შეიარაღება სირიისთვისაა განკუთვნილი.
“სამწუხაროა, როცა არხი, რომელიც პროდასავლურად მიიჩნევს თავს, ასეთ უსაფუძვლო და საქართველო-ამერიკის ურთიერთობების საწინააღმდეგო პროპაგანდას უკეთებს ტირაჟირებას.
აშშ ჩვენი სტრატეგიული პარტნიორია. ამერიკელ ხალხს და ამერიკის მთავრობას დიდი წვლილი მიუძღვის ჩვენი ჩვენი ქვეყნის განვითარების საქმეში, მათ შორის შეიარაღებული ძალების წვრთნასა და აღჭურვაში, გაძლიერებაში, საქართველოს ნატო-ს თანამედროვე სტანდარტებთან დაახლოების საქმეში. ჩვენი ქვეყნების თანამშრომლობის 25 წლიანი ისტორია ხელის გულზე დევს,”-განაცხადა თალაკვაძემ.
წყარო: “აი პრესი”