არ ვიცით რა მოხდა, ამას გეოლოგები დაადგენენ. ყველაზე მთავარი ის არის, რომ მსხვერპლი არაა, – განაცხადა სოფელ კურსების მკვიდრმა სულხან გოგოლაშვილმა.
„შემიძლია ვთქვა, რომ ეს პირდაპირ ბიჭების დამსახურებაა, რომლებმაც ღამით არ ვიცი როგორ იმუშავეს. მაგალითად, ჩემი ერთ-ერთი ნათესავი ფანჯრიდან საკაცით გადაიყვანეს, რომელიც ვერ ხედავს და სამშვიდობოს გაიყვანეს. მოხუცები ზურგით მიჰყავდათ. ჩვენთან მოვიდნენ და სანამ სახლიდან არ გავედით, მანამდე არ დაგვტოვეს, მიუხედავად თავიანთი პრინციპულობისა, ამასთანავე, საკმაოდ ზრდილობიანები იყვნენ“, – აღნიშნა გოგოლაშვილმა.
სოფელ კურსებში ისევ სპეციალისტები მუშაობენ. მათი დასკვნისა და რეკომენდაციების მიხედვით დაგეგმავს ხელისუფლება შემდგომ ღონისძიებებს. სოფელში მეწყრული პროცესები აქტიურია, რის გამოც მოქალაქეებს მოუწოდებენ დაემორჩილონ დაწესებულ შეზღუდვებს. უსაფრთხოების მიზნით ისევ გადაკეტილია ქუთაისი-ტყიბულის დამაკავშირებელი გზა.