ჩეხეთის პრემიერ-მინისტრმა, ანდრეი ბაბიშმა ისრაელის მიერ ირანის სამხრეთ ფარსის ბუნებრივი აირის საბადოზე თავდასხმას გაუგებარი უწოდა.
მისი თქმით, ამ ნაბიჯმა ბაზრებს დიდი ზიანი მიაყენა.
„ბუნებრივი აირის ფასები ელვისებური სისწრაფით იზრდება, ასევე ნავთობის ფასიც“, – აღნიშნა ანდრეი ბაბიშმა.
ცნობისთვის, მანამდე აშშ-ის პრეზიდენტმა დონალდ ტრამპმა განაცხადა, რომ ახლო აღმოსავლეთში განვითარებული მოვლენების გამო განრისხებულმა ისრაელმა დარტყმა მიაყენა ირანის სამხრეთ ფარსის ბუნებრივი აირის საბადოს. „ისრაელი სამხრეთ ფარსის საბადოს აღარ დაარტყამს, თუ ირანი გაუაზრებლად არ გადაწყვეტს, კვლავ დაარტყას უდანაშაულო ქვეყანას. ასე თუ მოხდა, აშშ საბადოს მთლიანად გაანადგურებს“, – განაცხადა ტრამპმა.
კომენტარები