საპარლამენტო უმრავლესობის წევრი ეკა ბესელია ელიავას ბაზრობაზე გუშინ გაჩენილ ხანძართან დაკავშირებით ოპოზიციის მიერ გაკეთებულ განცხადებებს პასუხობს.
“სრულიად უზნეობად მიმაჩნია, როდესაც პოლიტიკოსები, ასეთი ტრაგედიის დროს იწყებენ პოლიტიკური დივიდენდების მოპოვებას და ხდება პოლიტიკური მანიპულაცია.
მე მესმის კანდიდატების მძაფრი სურვილი, რომ ყველა ასეთი სიტუაცია სათავისოდ გამოიყენონ, მერწმუნეთ, ეს ყოველთვის საზიანოდ მოქმედებს, რადგან როცა ადამიანს აქვს ტრაგედია, მას უჭირს და შენ შენი პოლიტიკური ინტერესებით, ამ პროცესში ერთვები და თამაშობ, ეს არის სრულიად მიუღებელი.
ჩვენთვის ახლა მთავარია, ვუშველოთ იმ ადამიანებს, მოიძებნოს სამართლებრივი სწორი მექანიზმი და არ გვყავდეს არც ერთი დაზარალებული ადამიანი, ამიტომ საჭიროა სწორედ მათი დახმარება და მეორე – ობიექტური გამოძიების სწრაფად ჩატარება, რომ რეალობა დავადგინოთ რაც მოხდა“ , – განაცხადა ეკა ბესელიამ.