პარლამენტის თავმჯდომარის ირაკლი კობახიძის განცხადებით, მზად არიან ოპოზიციასთან კონსულტაციები სუფთა ფურცლიდან დაიწყონ.
„მზად ვართ, ოპოზიციასთან კონსულტაციები სუფთა ფურცლიდან დავიწყოთ.
რაც შეეხება მეორე მოსმენით ჩვენს მიერ მიღებულ კონსტიტუციას, მისი დაბრუნება არის გამორიცხული. შემოდგომაზე საკონსტიტუციო ცვლილებებს მესამე მოსმენით მივიღებთ. არის პროცედურულ-სამართლებრივი შესაძლებლობა, რომ კონსენსუსის შემთხვევაში ცვლილებები აისახოს“, – განუცხადა ჟურნალისტებს ირაკლი კობახიძემ.
მან მედიასთან საუბარში აღნიშნა ისიც, რომ მესამე მოსმენამდე დარჩენილია დაახლოებით 3 თვე, რაც საკმარისი დროა იმისთვის, რომ მმართველ გუნდსა და ოპოზიციურ პარტიებს შორის კონსულტაციები შედგეს.
კომენტარები