რუსეთში, სამარას ოლქის ქალაქ სიზრანში დრონებით თავდასხმის შედეგად ორი ადამიანი დაიღუპა. ამის შესახებ რეგიონის გუბერნატორმა, ვიაჩესლავ ფედორიშჩევმა განაცხადა.
მისი თქმით, უკრაინის შეიარაღებული ძალების თავდასხმის შედეგად არიან დაშავებულებიც.
სიზრანში მდებარეობს ნავთობის გადამამუშავებელი დიდი ქარხანა, რომელიც უკრაინის საზღვრიდან დაახლოებით 1000 კილომეტრითაა დაშორებული.
გუბერნატორს არ დაუკონკრეტებია, თავდასხმის შედეგად დაზიანდა თუ არა ინფრასტრუქტურა. თუმცა, როგორც უკრაინული მედია წერს, ნავთობის გადამამუშავებელ ქარხანაში ხანძარი გაჩნდა.
პარალელურად, ღამის განმავლობაში რუსეთმა უკრაინის მიმართულებით 116 უპილოტო საფრენი აპარატი გაუშვა. უკრაინის თავდაცვის ძალებმა 106-ის ჩამოგდება მოახერხეს. იერიშის შედეგად დაღუპულია, სულ მცირე, სამი ადამიანი, არიან დაშავებულებიც.