უკრაინის ტერიტორიული მთლიანობის აღდგენის ერთადერთი გზა რუსეთთან პოლიტიკურ-დიპლომატიური დიალოგის შენარჩუნებაა – ამის შესახებ უკრაინის პრეზიდენტმა პეტრო პოროშენკომ „საზოგადოებრივ მაუწყებელთან” ექსკლუზიურ ინტერვიუში განაცხადა.
„ჩვენ ვითვალისწინებთ საქართველოს გამოცდილებას. ვფიქრობ, უკრაინის ტერიტორიული მთლიანობის აღდგენის ერთადერთი გზა არის რუსეთთან პოლიტიკურ-დიპლომატიური დიალოგის შენარჩუნება. საქართველოს შემთხვევაში, ორ ქვეყანას შორის დიპლომატიური ურთიერთობების გაწყვეტაზე პასუხისმგებლობა რუსეთს ეკისრება. საქართველოს წინააღმდეგ იყო პროვოკაციები. რუსეთის მიერ ჩვენი ტერიტორიები ანექსირებულია და ორ-ნახევარი წელია, ქვეყანაში არ გვყავს რუსეთის ელჩი. ამ სიტუაციაში გამოვიყენებთ ნებისმიერ დიპლომატიურ არხს მოლაპარაკებებისთვის, რათა მოხდეს ჩვენი ტერიტორიების რეინტეგრაცია, შეწყდეს ომი და უკრაინაში მშვიდობამ დაისადგუროს. თუ რუსეთი გაიყვანს ჯარს, თუ ჩვენ აღვადგენთ ტერიტორიულ მთლიანობას, მაშინ ყველაფერს გავაკეთებ, რათა რუსეთისა და უკრაინის ურთიერთობების ნორმალიზება სწრაფად მოხდეს”, – განაცხადა პეტრო პოროშენკომ.