ოდესის ყოფილი გუბერნატორი მიხეილ სააკაშვილი, რომელიც ამჟამად ამერიკის შეერთებულ შტატებში იმყოფება, ხვალ, 28 ივლისს უკრაინაში დაბრუნებას აპირებს. აღნიშნულ ინფორმაციას უკრაინული პორტალი “strana” მის უახლოეს გარემოცვაზე დაყრდნობით აცხადებს.
“strana” ცნობით, სააკაშვილის დაბრუნების შემდეგ იგი შესაძლოა საქართველოს გადასცენ, რადგან უკრაინული კანონმდებლობის თანახმად “უცხო ქვეყნის მოქალაქეები და მოქალაქეობის არმქონე პირები, რომელთაც დანაშაული უკრაინის ფარგლებს გარეთ ჩაიდინეს, შესაძლოა გადაეცეს ამ ქვეყანას, სისხლის სამართლის პასუხისმგებლობის მოხდის ან სასამართლოს წინაშე წარდგომის მიზნით”.
კომენტარები