საპარლამენტო უმრავლესობის ლიდერ არჩილ თალაკვაძის თქმით, მმართველი პარტია მზად არის მონაწილეობა მიიღოს კვალიფიციურ ოპოზიციურ პარტიებთან პოლიტიკურ დიალოგში, ნებისმიერ ადგილას, თბილისში თუ სტრასბურგში.
”მზად ვართ მოლაპარაკებებში ჩავერთოთ ნებისმიერი წინაპირობების გარეშე. ჩვენთვის ეს იქნება კიდევ ერთი შესაძლებლობა, რომ ჩვენი არგუმენტები საკონსტიტუციო ცვლილებებთან დაკავშირებით გავაცნოთ ოპოზიციურ პარტიებს, ჩვენი მეგობრების თანდასწრებით და მივაღწიოთ შეთანხმებას იმ საკითხებზე, რომელზე შეთანხმებაც ობიექტურად შესაძლებელია. მე ვფიქრობ, რომ ვენეციის კომისიის ჩართულობა ამ დიალოგში დაგვეხმარება მიუკერძოებელი შეფასებები მოხდეს იმ არგუმენტების და დიალოგის ხარისხის, რომელიც უნდა გაიმართოს ოპოზიციურ პარტიებთან,”– განაცხადა თალაკვაძემ.
კომენტარები