საპარლამენტო უმრავლესობის დეპუტატის, გიორგი ხატიძის განცხადებით, მინისტრის მოადგილედ მუშაობის პერიოდში თენგიზ შერგელაშვილისთვის ჩაბარებული რეფორმების ჩავარდნის შემდეგ რომ ის ვინმეს კომპეტენციას დაუწუნებს, ღიმილის მომგვრელია.
”როგორც ჩანს ბატონი შერგელაშვილის ბრძოლა მერობისთვის, კახი კალაძეზე საუბრით შემოიფარგლება. სჯობს საკუთარი პროგრამა, ხედვები და პროექტები გააცნოს საზოგადოებას. კახი კალაძე ზედმიწევნით ზუსტად მიყვება თბილისის და თბილისელების საჭიროებებს, საუბრობს სიცოცხლით სავსე ქალაქზე და მომავლის თბილისზე, უშუალოდ ესაუბრება ხალხს, კავშირი აქვს ყველა თაობასთან. განცხადებებში ეტყობათ მის ოპონენტებს, რომ კახი კალაძის ინოვაციური კამპანია მოსწონთ, თუმცა მისი გამეორება არ შეუძლიათ – ხშირად აგრესია ამით არის გამოწვეული”, – განაცხადა ხატიძემ.
კომენტარები