გუშინდელ აქციაზე დაკავებული პროფკავშირების წევრი ილია ლეჟავა რკინიგზის დეპარტამენტის შენობასთან ბრუნდება და შიმშილობას აგრძელებს. ამის შესახებ ლეჟავამ დღევანდელი სასამართლო პროცესის დასრუელბის შემდეგ ჟურნალისტებს განუცხადა.
მისთვის სულერთია, რა გადაწყვეტილებას მიირებს საქმეზე სასამართლო, რადგან დარწმუნებულია, რომ სასამართლო სისტემაზეც მიუწვდებათ ხელი იმ ადამიანებს, რომლებიც მოშიმშილეებს ებრძვიან.
“ჩვენ ვნახეთ სასამართლოს გუშინდელი გადაწყვეტილება, რომ მოშიმშილეებს კარვების გაშლის საშუალება არ მისცეს. მე მივდივარ რკინიგზის დეპარტამენთან, სადაც გავაგრძელებ შიმშილობას, სანამ ჩვენი მოთხოვნები არ დაკმაყოფილდება”, – განაცხადა ლეჟავამ.
მოშიმშილე რკინიგზელების აქციაზე ხმაური გუშინ მას შემდეგ დაიწყო, რაც აქციის მონაწილეთა გარკვეულმა ნაწილმა შიმშილობის გასაგრძელებლად რკინიგზის ოფისის ფოიეში შესვლა სცადეს. „საქართველოს რკინიგზის“ დეპარტამენტის შესავლელთან მობილიზებულმა სამართალდამცველებმა მათ შენობაში შესვლის საშუალება არ მისცეს. მოგვიანებით შენობასთან კვლავ მოხდა დაპირისპირება, რა დროსაც პოლიციამ აქციის მონაწილე კიდევ 10 პირი დააკავა. ამჯერად დაპირისპირებაში “აუდიტორია 115”-ის წევრებიც მონაწილეობდნენ. დაკავებულებიდან 2 მოშიმშილე რკინიგზელია.