კახი ის ადამიანია, რომელსაც გააჩნია გამორჩეული ლიდერის თვისებები, – ამის შესახებ პრემიერ-მინისტრმა, გიორგი კვირიკაშვილმა განაცხადა, რომელიც „ქართული ოცნების“ თბილისის მერობის კანდიდატის, კახი კალაძის საარჩევნო შტაბის გახსნას დაესწრო.
პრემიერის თქმით, შტაბი გაიხსნა, სადაც ნებისმიერ ადამიანს შეეძლება მისვლა და საკუთარი იდეების წარდგენა.
„კახი ის ადამიანია, რომელსაც გააჩნია გამორჩეული ლიდერის თვისებები, მისი გახსნილობა ყველაზე მთავარი დამახასიათებელი თვისებაა. ის არის სიახლეზე ორიენტირებული ადამიანი, მას თანამედროვე მიდგომები გააჩნია და თავი დაიმკვიდრა პოლიტიკოსად, რომლისთვისაც მთავარი ზნეობა და წესიერებაა. ამიტომ, დარწმუნებული ვარ, კახი სუფთა ხელებით არჩევნებს პირველივე ტურში მოიგებს. ეს იქნება თბილისისთვის ახალი გადაშლილი ფურცელი“, – დასძინა კვირიკაშვილმა.