საქართველოს პრემიერ-მინისტრი გიორგი კვირიკაშვილი აშშ-ში, ტეხასის შტატში სტიქიასთან დაკავშირებით “ტვიტერის” გვერდზე წერს.
როგორც კვირიკაშვილი წერს, ამ მძიმე წუთებში ამერიკელ ხალხს თანადგომას უცხადებს.
აშშ-ს ქალაქ ჰიუსტონს ბოლო 12 წლის განმავლობაში ერთ-ერთმა ყველაზე მძლავრმა ქარიშხალმა „ჰარვიმ“ გადაუარა. ქალაქში ორ მილიონზე მეტი ადამიანი ცხოვრობს.
ქალაქ ჰიუსტონის მერის, სილვესტერ ტერნერის თქმით, ძლიერი წვიმების გამო წყალი ქალაქის მასშტაბით გავრცელდა. არსებული ინფორმაციით, სტიქიას უკვე ხუთი ადამიანი ემსხვერპლა.
სინოპტიკოსების ინფორმაციით, ქარიშხლით გამოწვეული ძლიერი წვიმები კიდევ რამდენიმე დღე გაგრძელდება.
ამ მომენტისთვის უკვე ორი ათასზე მეტმა ადამიანმა მიმართა საგანგებო სიტუაციების სამსახურებს ევაკუაციის თხოვნით. ორი საცხოვრებელი კომპლექსი მთლიანად იყო ევაკუირებული.