კახი კალაძე ტელეიმედის ეთერში გადაცემა “არჩევნების პირისპირ” სტუმარი იყო, სადაც იმ პროექტების შესახებ ისაუბრა, რომელსაც “ქართული ოცნების” თბილისის მერობის კანდიდატი თბილისელებს შესთავაზებს. კახი კალაძემ მოსალოდნელი მეორე ტურის შესახებაც ისაუბრა:
“იმის გათვალისწინებით თუ როგორი პროგრამა გვაქვს წარმოდგენილი, მე მჯერა თბილისი და თბილისელები დადგება ჩემს გვერდით. პირველივე ტურში დავამთავრებთ არჩევნებს. მეორე ტურში პრობლემას ვერ ვხედავ, ეს დემოკრატიის ნაწილია, თუმცა დავკარგავთ დროს. დღეს თბილისს სჭირდება სწრაფი გადაწყვეტილებები და პირველი ტურის დამთავრებისთანავე დავიწყებთ ქალაქის პრობლემების გადაჭრას” – განაცხადა კალაძემ.
კომენტარები