საპარალამენტო უმრავლესობის ლიდერმა არჩილ თალაკვაძემ სააკაშვილის ექსტრადირების საქმეზე კომენტირებისას განაცხადა, რომ სააკაშვილი წარსულია და ის პრიორიტეტებს არ წარმოადგენს:
„ჩვენი მთავარი ინტერესი არის პოლიტიკური მომავალი და მომავალი განვითარება, ის პრიორიტეტები, რაც საქართველოში ახლა არის, ეს არის სწრაფი ეკონომიკური განვითარება, რეგიონული და საქართველოს უსაფრთხოება. ეს არის თანამშრომლობა ჩვენს დასავლელ პარტნიორებთან, საქართველოს ტერიტორიული მთლიანობის აღდგენა და იმ დაპირებების შესრულება, რომელიც ჩვენ, ჩვენს ამომრჩეველს მივეცით. მე მგონი, საზოგადოება უკვე მიეჩვია იმას, რომ ,,ნაცმოძრაობა“ ყოველ თვე აცხადებს, რომ საქართველოში კარგი პროცესები არ დაიწყება. სინამდვილეში, საქართველოში კარგი პროცესები უკვე მიმდინარეობს. ჩვენთვის სააკაშვილი ან ის, თუ რას ამბობენ ოპოზიციური პარტიები მის შესახებ, არ არის პოლიტიკურად საინტერესო თემა. ჩვენთვის მნიშვნელოვანია თემები, რომელიც საქართველოს მომავალს უკავშირდება. სჯობს, ვიფიქროთ საქართველოში პოლიტიკის მომავალზე. ის რაც იყო წარსულში, ვფიქრობ, უკვე შეფასებულია. საზოგადოებამაც შეაფასა. ასევე ვიცით, რომ სააკაშვილზე საქმეებია აღძრული, მე დამატებით პოლიტიკურ შეფასებებს ვეღარ გავაკეთებ”, -განაცხადა არჩილ თალაკვაძემ.