საგარეო საქმეთა მინისტრი მიხეილ ჯანელიძე ვიზალიბერალიზაციასთან დაკავშირებით ევროკავშირის საგარეო საქმეთა მინისტრების გუშინდელ გადაწყვეტილებას მიესალმება.
როგორც მიხეილ ჯანელიძემ ჟურნალისტებს განუცხადა, ევროკავშირის წევრი ქვეყნების საგარეო საქმეთა მინისტრები გუშინ შეიკრიბნენ, სადაც იმსჯელეს სხვადასხვა საკითხებზე, მათ შორის საქართველოსთან ვიზალიბელაიზაციის საკითხზე.
„ეს არის ევროკავშირის საბჭოს ძალიან მნიშვნელოვანი შემადგენლობა, რომელიც მსჯელობს პოლიტიკური მნიშვნელობის საკითხებზე. თქვენ იცით, რომ ევროკავშირის უმაღლესმა წარმომადგენელმა ფედერიკა მოგერინიმ შეხვედრის შემდეგ აღნიშნა, რომ მან შეხვედრაზე ხაზი გაუსვა, რომ საქართველომ ყველა ვალდებულება შეასრულა ძალიან წარმატებით და ყველა სახელმწიფო აღნიშნავს, რომ საქართველოს მიმართ კითხვები არ არსებობს, შესაბამისად გადაწყვეტილების მიღება უნდა იქნეს მალე. ეს არის ძალიან მნიშვნელოვანი ნაბიჯი, რომელიც ამ განხილვების პროცესში გადაიდგა“, – განაცხადა მიხეილ ჯანელიძემ.