პროკურორ ირაკლი ნადარეიშვილის განცხადებით, დღევანდელ პროცესზე დაკითხული დავით ჩხატარაშვილი უშუალოდ იყო ზურაბ ადეიშვილის მიერ გაცემული დანაშაულებრივი ბრძანების შემსწრე. „ეს ქმედებები დაიგეგმა ზურაბ ადეიშვილის მიერ და განახორციელა დავით ჭაკუამ, რაც შემდგომში საზოგადოებამ უკვე იხილა. საუბარია პატიმრების – წოწორიასა და გრიგორიანის მიმართ განხორციელებულ ქმედებებზე, რომელიც წინასწარ იყო დადგმული ერთადერთი მიზნით, რომ ყველაფერი იმჟამინდელ ოპოზიციურ ძალებს დაბრალებოდა. მოსალოდნელი კადრების გავრცელების საპასუხოდ უნდა შექმნილიყო ასეთი კადრები, რათა საზოგადოებისთვის მიეწოდებინათ ცრუ ინფორმაცია, რომ ასეთ ფაქტებს სასჯელაღსრულების სისტემაში რეალურად ადგილი არ ჰქონია“, – განაცხადა ნადარეიშვილმა.
კომენტარები
