დიდი ბრიტანეთის ევროკავშირიდან გასვლასთან დაკავშირებით, ევროპული საბჭოს პრეზიდენტმა დონალდ ტუსკმა საგანგებო პრესკონფერენცია გამართა.
“არავისთვისაა საიდუმლო რომ ჩვენ გუშინ ჩატარებული რეფერენდუმის შემდეგ სხვა შედეგის მიღება გვინდოდა. პოლიტიკურად ეს ძალიან დრამატული მომენტია და შეუძლებელია ვიწინასწარმეტყველოთ ყველა ის პოლიტიკური შედეგი, რომელიც ამ გადაწყვეტილებას შეიძლება მოჰყვეს, განსაკუთრებით დიდი ბრიტანეთისთვის. გასული ორი დღის განმავლობაში მე ვესაუბრე ევროკავშირის წევრი ქვეყნის ყველა ლიდერს ამ საკითხზე. სამწუხაროდ, დღეს მხოლოდ 27 წევრი დავრჩით და ვაპირებთ რომ შევინარჩუნოთ ჩვენი ერთიანობა ამ შემადგენლობით. ყველა ვთანხმდებით, რომ ჩვენი კავშირი არის ჩვენი უკეთესი მომავლის ჩარჩო. გასული წელი ნამდვილად იყო ძალიან რთული ევროკავშირისთვის, მაგრამ ყოველთვის მახსენდება მამაჩემის სიტყვები – რაც არ გკლავს ის გაძლიერებსო,“ – განაცხადა დონალდ ტუსკიმ.