გვარამიამ ჯერ ტანზე შემოიხია, მერე “აკოფში” ჩაწვა და ბლოკა და ბლოკა ის ხალხი, ვინც პოსტი დამილაიქა, – ამის შესახებ “ტაბულას” დირექტორმა თამარ ჩერგოლეიშვილმა “რუსთავი 2”-ის გენერალურ დირექტორზე ნიკა გვარამიაზე სოციალურ ქსელში დაწერა.
“ისე, ახლა გამახსენდა – გაბუნია მახსოვს, ნარმანიაზე და ჩეჩმაზე საზიზღარი ხუმრობისთვის გავაკრიტიკე (ნახევარ საქართველოს კანალიზაცია არ აქვს), სრულიად კორექტულად და გვარამიამ ჯერ ტანზე შემოიხია, მერე “აკოფში” ჩაწვა და ბლოკა და ბლოკა ის ხალხი, ვინც პოსტი დამილაიქა – თან ისეთები კი არა “chuchu – chuchu” ან მაგალითად “გაუქმდა გაუქმდა”, თვითონ როგორებიც ყავს მრავლად კედელზე, ცოცხალი ხალხი – აი ქუჩაში რომ ესალმებოდა ისეთი. 500-მდე ადამიანი.
თან კიოდა, რომ მაგის ტელევიზიაში ფეხს ვეღარ მივდგამ – თითქოს, ჩემი პრობლემა იქნება, მე რომ იქ ფეხს ვერ მივდგამ (და არა თავად ტელევიზიის) და სადმე, უკეთეს ადგილას ვერ ვიქნები.
შავრაზმელები მივარდნენ, მის ჟურნალისტებს თავყბა დაალეწეს – გამოვიდა, ბოდიში მოიხადა და ჟურნალისტს საყვედური გამოუცხადა.
მაგიტომაა იმ დღეში, რა დღეშიცაა”, – წერს თამარ ჩერგოლეიშვილი.