ტყიბულში, მინდელის შახტის ყოფილი თანამშრომელი “პრაიმტაიმთან” აფეთქებისას დაღუპული მეშახტეებთან დაკაშირებით საუბრობს.
მისი თქმით, დაღუპულები 30 წლამდე ახალგაზრდები არიან.
“ჩემი ინფორმაციით, აფეთქებისას დაშავდნენ გოგი რაფავა, ელგუჯა ბოჭორიშვილი, გია არაბიძე, გიორგი ბოჭორიშვილი, ბესო გურგენიძე, მირზა ქურციკიძე, პავლე გამეზარდაშვილი. აქედან 6 დაიღუპა, ორი დაშავებულის ვინაობა არ ვიცი. დაახლოებით 30 წლამდე არიან. ახალგაზრდა ბიჭები არიან. ყველას ყავდა ოჯახი. მხოლოდ პავლეს არ ყავდა. პატარა ბავშვებვები ყავდათ”, – ამბობს პაატა ქურციკიძე.
ამ დროისთვის არსებული ინფორმაციით, შემთხვევას 6 ადამიანის სიცოცხლე ემსხვერპლა, ხოლო დაშავდა სამი მეშახტე. ორ მათგანს გამოკვლევები და შესაბამისი მკურნალობა ქუთაისის ინტერვენციული მედიცინის ცენტრში უტარდება, ხოლო ერთს – ტყიბულის კლინიკაში.