ჟურნალისტი დარეჯან ლიპარტელიანი სოციალურ ქსელი პოსტს აქვეყნებს:
“სად ხართ უფლებადამცველებო, არასამთავრობოებო, ხმა ამოიღეთ, თუ თქვენთვის, გვამების დათვლა უფრო ადვილია?!..
ეს ინფორმაცია, ახლახანს წავიკითხე და სრული შოკი მივიღე…
რამდენად გასაკვირიც არ უნდა იყოს, თემირლან მაჩალიკაშვილის მამამ, მალხაზ მაჩალიკაშვილმა გუშინ, პარლამენტთან გამართულ აქციაზე, ღიად თქვა და განაცხადა: “რამდენიმე ადამიანთან ერთად მე გადაწყვეტილი მქონდა სუს-ში თავის აფეთქება”-… ფაქტია, რომ ამ ადამიანმა, გარკვევით, ყველანაირი ძალდატანებისა და ზეწოლის გარეშე განაცხადა, სახელწიფო უსაფრთხოების სამსახურის შენობაში, ის რამდენიმე ადამიანთან ერთად თავის აფეთქებას რომ აპირებდა…
ეს ინფორმაცია კი გავრცელდა, მაგრამ მის მნიშვნელობასა და საშიშროებაზე, რატომღაც ყურადღება არავის გაუმახვილებია, სამწუხაროდ…ასევე, არცერთ ჟურნალისტს და არცერთ უფლებადამცავს, თუ არასამთავრობო ორგანიზაციას, ამ დანაშაულებრივ განცხადებაზე, ყურადღება არ გაუმახვილებია… სამწუხაროდ…საინტერესოა და, ნეტავ რატომ? ჩვენი ენჯეოშნიკები, – ქართული არასამთავრობო ორგანიზაციები ხომ, ყველაზე ყურებდაცქვეტლობითა და სიფხიზლით გამოირჩევით თითქოს და ახლა, რა მოხდა? თუკი ყველაფერი გესმით, ყველაფერს ამჩნევთ და არაფერი არ გამოგეპარებათ, რაღა მაინც და მაინც ამ ადამიანის, მაჩალიკაშვილის მიერ, აღიარებით, წინასწარ გაცხადებული ტერორისტული აქტის ჩადინის მცდელობაზე, განცხადება გამოგრჩათ ყურადღების არეალიდან? თუკი, მაჩალიკაშვილმა დაგეგმილი და შემდეგ გადაფიქრებული ტერაქტის შესახებ დუფარავად გვამცნო… ხალხნო, რატომ ვხუჭავთ ამაზე თვალებს და ვიყრუებთ თავს? რატომ არ გაგიჩნდათ ადეკვატური კითხვები, რატომ თქვა მან ეს, მისი და სხვისი სიცოცხლისთვის საშიში ინფორმაცია და თან რომ გაავრცელა?
იქნებ, ამ ადამიანის აქციაზე გამოჩენა, მართლა საშიშია???? თუ თქვენი მხრიდან, უფრო ადვილი და მისაღებია, ტერორისტული აქტის შემდეგ, დახოცილი ადამიანების გვამების დათვლა და ვიშ-ვიში? დანაშაული სანამ მოხდება, მანამდე უნდა აღიკვეთოს თორემ, რომ მოხდება, შემდეგ ვერაფერს ვერ უშველით… თუმცა, არასამთავრობოებთან რა საქმე მაქვს, როცა ამ თემაზე, არცერთ სამართალდამცავს ყურადღებაც კი არ გაუმახვილებია… შსს და სუს-ი, რას აკეთებთ ხალხნო, იცით??? ამ განცახდებაზე ველოდები თქვენს პასუხს, მე, ამ ქვეყნის რიგითი მოქალაქე, რომელსაც მალხაზ მაჩალიკაშვილის მიერ აფეთქებული სუსი, მართლა არ მინდა და არ მჭირდება… მშვიდობიანი ქვეყანა მინდა ბატონებო და ხალხი, სწორედ ამ მშვიდობასა და უსაფრთხოებაში გიხდით თქვენ ხელფასს, ეს კარგად დაიმახსოვრეთ და არ დაგავიწყდეთ!
აბა, შეკითხვების დონეზე, ახლა მეც ვაპროტესტებ, მაგ უბუნძურეს და საშიშ განცხადებას, მაგრამ ეს ბევრს არაფერს ნიშნავს…. მთავარია, ყველა ასეთ მსგავს განცხადებას, შესაბამისი რეაგირება მოჰყვეს და მინიმუმ, წუხელ თუ არა, დღეს მაინც ეს ადამიანი დასაკითხ სკამზე უნდა მჯდარიყო და უნდა ეკითხებოდეთ, რას ნიშნავს მისი გაკეთებული განცხადება და ამ ტერორისტული იდეებით აღჭურვილ ადამიანს, სავარაუდოდ, კიდევ ხომ არ მოუვა თავში აზრად, ანალოგიური დანაშაულის ჩადენა? არსებობს საერთოდ ამის გარანტია, რომ ეს არ მოხდება? გარანტია გვაქვსკი, ეს გაუწონასწორებელი ფსიქიკის ადამიანი, კიდევ არ მოისურვებს, მსგავსი დანაშაული ჩადენას და დაპირებულ მუქარას არ შეასრულებს?
და ბოლოს…მალხაზ მაჩალიკაშვილის ნამდვილი, რეალური მენტალობის, ცხოვრების წესისა, თუ შეხედულებების გამჟღავნება და მისი სააშკარაოზე გამოტანა, თავადვე მოახდინა… ლუსტრაცია, პრაქტიკულად შედგა და მიჩნდება აზრი და საფუძვლიანი ეჭვიც, რომ იმ ბავშვის სიცოცხლის ხელყოფაში, ამ ადამიანის მენტალობამ დიდი როლი შეასრულა…ალბათ, მან ყველაზე უკეთ იცის, თავად ვინ არის, რას წამოადგენს, რა ცხოვრებით იცხოვრა და იმ ხალხს, მართლა არ უნდა ელაპარაკოს მუქარის ტონით, ვისაც მისთვის არაფერი დაუშავებია…. დანარჩენი, რეალობა და სიმართლე, ყველაზე უკეთ მან იცის… დეტალებზე კი, გარკვეულ მიზეზთა გამო, თავს შევიკავებ, დანარჩენი მის სინდისზე იყოს!”,-წერს ლიპარტელიანი.