ხორავას ქუჩაზე მოკლული დავით სარალიძის მამამ, ზაზა სარალიძემ პატრიარქთან შეხვედრის შემდეგ მედიის წარმომადგენლებთან საუბარი არ ისურვა. როგორც მან აღნიშნა, მისი მეუღლე მძიმე ემოციურ მდგომარეობაშია, რის გამოც ის შეხვედრის დეტალებზე საუბრისგან თავს იკავებს.
“მეუღლე მძიმე ემოციურ მდგომარეობაშია და არ მინდა ახლა ვისაუბრო. ემოციებით ვართ გამოსულები. ისეთ თემაზე ვისაუბრეთ, რაც ჩემი შვილის მკვლელობას ეხება. არ მინდა ჩემმა მეუღლემ თავი ცუდად იგრძნოს. 6 თვეა ადამიანს ხმა არ ამოუღია”, – განაცხადა ზაზა სარალიძემ.
შეგახსენებთ, რომ ის სრულიად საქართველოს კათოლიკოს-პატრიარქს მეუღლესთან და შვილთან ერთად შეხვდა. მან ილია მეორესთან შეხვედრის სურვილი დღეს გამოთქვა, რაზეც პატრიარქმა თანხმობა განაცხადა.
კომენტარები