მესტიის მუნიციპალიტეტის სოფელ ლატალში მომხდარ მკვლელობაში ბრალდებული სამართალდამცველებს ჩაბარდა.
მანამდე გავრცელდა ინფორმაცია, რომ ცივი იარაღით მიყენებული ჭრილობისგან 23 წლის კაცი გარდაიცვალა.
ამასთან, დაჭრილია ერთი ადამიანი, რომელიც მესტიის საავადმყოფოში გადაიყვანეს. მისი მდგომარეობა მძიმეა. მომხდარ ფაქტს ჰყავს თვითმხილველი, რომელიც მესტიის პოლიციაში დაკითხეს.
როგორც imedinews-ს შსს-ში განუცხადეს, მომხდართან დაკავშირებით დაწყებულია გამოძიება 108-ე მუხლით, რაც განზრახ მკვლელობას გულისხმობს და მიმდინარეობს აქტიური საგამოძიებო მოქმედებები.
კომენტარები
