გაფიცვის გამო, ყველა მეტროსადგური დაკეტილია. მეტროს დახურვამ უკვე შექმნა პრობლემები დედაქალაქში. ავტობუსების გაზრდილი რაოდენობისა და მარშრუტების მიუხედავად მოქალაქეები გადაადგილებას ვერ ახერხებენ.
მენანქანეების მთავარი მოთხოვნა ხელფასების 45 პროცენტით მატებაა. უფრო კონკრეტულად, გაფიცული თანამშრომლები სამუშაოსთვის საათში 10 ლარიან ანაზღაურებას ითხოვენ. დღეს კი მათ სატრანსპორტო კომპანია 8 ლარსა და 65 თეთრს უხდის.
მეტროპოლიტენის თანამშრომლების განცხადებით, თბილისის მერი არ თანხმდება მათ მოთხოვნას. კალაძე მეტროს თანამშრომლებს ხელფასის მომატებას 2019 წლიდან დაჰპირდა.
„იმედი გვაქვს დღესაც იქნება განმეორებით შეხვედრა და პოზიციებზე შეჯერება, ალბათ მოვახერხებთ, რომ შეთანხმება შედგეს და გაგრძელდეს მუშაობა“-ამბობს მეტროს თანამშრომელი არჩილ ლაბაძე.
კომენტარები