თბილისის ვიცე-მერის ირაკლი ხმალაძის განცხადებით, თბილისის მერია მზად არის, ითანამშრომლოს და შესაძლებლობების ფარგლებში გამონახოს გარკვეული სახსრები სახალხო დამცველის აპარატის დასახმარებლად.
„მე როგორც ვიცი, სახალხო დამცველმა მიმართა საბიუჯეტო ორგანიზაციებს, დაწესებულებებს, რომ მოხდეს ფინანსური მხარდაჭერა. თავის მხრივ, თბილისის მერია მზად არის, ითანამშრომლოს ამ საერთო პროცესში და შესაძლებლობების ფარგლებში გამონახოს გარკვეული სახსრები მათ დასახმარებლად“, – განაცხადა ირაკლი ხმალაძემ.
სახალხო დამცველის ოფისში მიწისძვრის შედეგად ბზარები გაიზარდა და თანამშრომლების ნაწილის სხვაგან გადაყვანა გახდა საჭირო.
კომენტარები