შეუძლებელია, პოლიტიკოსებმა ყველაფერზე ღიად, საჯარო ფორმატში ისაუბრონ, არსებობს გარკვეული შეზღუდვები და თვითშეზღუდვები, – განაცხადა იურიდიულ საკითხთა კომიტეტის თავმჯდომარემ ეკა ბესელიამ დავით ჭიჭინაძის “ქართული ოცნებიდან” გარიცხვის საკითხის კომენტირებისას.
“მე გეტყვით ძალიან გულწრფელად, ბუნებრივია, ყოველთვის შეუძლებელია, ჩვენ, პოლიტიკოსებმა ყველაფერზე ვილაპარაკოთ ღიად, საჯარო ფორმატში. არსებობს გარკვეული შეზღუდვები და თვითშეზღუდვები. გულწრფელად გეტყვით, რომ ეს არის ის თემა, რომელზეც ბუნებრივია, მეც მაქვს ჩემი მოსაზრება და შეხედულებები, მაგრამ ვამჯობინებდი ამაზე მესაუბრა შიგნით და არა საჯაროდ. მე ვისურვებ, რომ ნებისმიერი გაუგებრობა, წყენა თუ გულისტკივილი და უსიამოვნება, რომელიც არ უკავშირდება ჩვენს თანამდებობრივ საქმიანობას და უკავშირდება გუნდის შიგნით განწყობებს, ამაზე ჩვენ ვისაუბროთ ხოლმე შიგნით”, – განაცხადა ეკა ბესელიამ.