სქესობრივი დანაშაულის ჩამდენ პირებს სასამართლოს გადაწყვეტილებით მთელი რიგი უფლებები ჩამოერთმევათ, რომლის კონტროლი შესაბამისი სახელმწიფო უწყებების, სამინისტროების მიერ განხორციელდება, – ამის შესახებ შს მინისტრის მოადგილე ნათია მეზვრიშვილმა პარლამენტის განათლების, მეცნიერებისა და კულტურის კომიტეტზე განაცხადა.
„ძალიან მნიშვნელოვანი სიახლეა ის, რომ შინაგან საქმეთა სამინისტროში შეიქმნება სქესობრივი დანაშაულის ჩამდენ პირთა, ამ დანაშაულისთვის მსჯავრდებულ პირთა ბაზა, სადაც ამ პირების შესახებ მონაცემები იქნება დაცული. ეს შესაძლებლობას მოგვცემს, დანაშაულის ჩამდენი პირები ვაკონტროლოთ როგორც მსჯავრდების შემდგომ, ასევე მათი მხრიდან ახალი დანაშაულის ჩადენა თავიდან ავიცილოთ“,- განაცხადა მეზვრიშვილმა.
კომენტარები