პარტია „ქართული ოცნების“ პოლიტიკურმა მდივანმა, ირაკლი ღარიბაშვილმა მერობის შუალედური არჩევნებისთვის კანდიდატები დაასახელა.
როგორც ირაკლი ღარიბაშვილმა აღნიშნა, ზუგდიდში მერობის კანდიდატად „ქართულმა ოცნებამ“ წარადგინა გიორგი შენგელია.
„გიორგი შენგელიას აქვს კერძო და საჯარო სექტორში მუშაობის გამოცდილება. ის ზუგდიდის მერის პირველი მოადგილის თანამდებობას იკავებდა“, – განაცხადა ღარიბაშვილმა.
მისივე თქმით, მარნეულში მერობის კანდიდატი იქნება ზაურ დარგალი.
„ის გამორჩეული ახალგაზრდაა, დიდი ხანია ჩართულია ჩვენი პოლიტიკური გუნდის საქმიანობაში. დღემდე ქვემო ქართლის გუბერნატორის მოადგილის თანამდებობა უკავია, ის არის ნათელი სახე, ეთნიკურად აზერბაიჯანელი, ჩვენი სამშობლოს საამაყო შვილი. ზესტაფონში მერობის კანდიდატი გიორგი ოგლიჩიძე იქნება. წლების მანძილზე იყო ჩართული პოლიტიკაში, პრინციპულად უპირისპირდებოდა „ნაციონალური მოძრაობის“ არადემოკრატიულ რეჟიმს. ჭიათურაში მერობის კანდიდატი გივი მოდებაძე იქნება. მან კარგად იცის ჭიათურის გამოწვევბი და პოტენცილი, რაც ამ ქალაქს გააჩნია“, – განაცხადა ღარიბაშილმა.
მისივე თქმით, ხულოს მერობის კანდიდატად წარდგენილია ვახტან ბერიძე.
„ვახტან ბერიძე, ზედმიწევნით კარგად იცნობს ხულოს, ბოლო დრომდე იყო მერის მოადგილე და მოვალეობის შემსრულებელი“, – აღნიშნა ღარიბაშვილმა.