ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძე სხვადასხვა უმაღლესი სასწავლებლების სტუდენტებს შეხვდა.
დეპუტატმა ახალგაზრდებს კომიტეტის სტრუქტურა და საქმიანობა გააცნო. შეხვედრაზე ისაუბრეს ადამიანის უფლებების დაცვის გაძლიერების მიმართულებით განხორციელებულ საკანონმდებლო ცვლილებებზე, ბავშვთა უფლებრივ მდგომარეობაზე, სიტყვისა და გამოხატვის თავისუფლებაზე და რიგ საკითხებზე, რომელიც მნიშვნელოვანია დემოკრატიულ პრინციპებზე დაფუძნებული სახელმწიფოსა და საზოგადოების განვითარებისთვის.
„ახალგაზრდობა არის საქართველოს მომავალი. ეს თაობაა, რომელმაც უნდა გადაიბაროს ჩვენი ქვეყნის განვითარებაზე ზრუნვა ჩვენს შემდეგ. ისინი აქედანვე უნდა ჩავრთოთ დემოკრატიულ პროცესებში, რათა მეტი შეიმეცნონ, მეტი ისწავლონ და კიდევ უფრო უკეთ გაუძღვნენ ჩვენი სამშობლოს წინსვლასა და წარმატებას, ვიდრე ამას ჩვენ ვაკეთებთ“, – განაცხადა სოფო კილაძემ შეხვედრის დასრულების შემდეგ.