“აბასთუმნის ფილტვის ცენტრში” მოქალაქეებს უფასოდ გამოიკვლევენ

მოქალაქეების მიღება „აბასთუმნის ფილტვის ცენტრში“ 10:00 საათიდან დაიწყება და მთელი დღის განმავლობაში გაგრძელდება.

„ჩამოდის თითქმის ყველა პროფილის ექიმი: ქირურგი, თერაპევტი, ალერგოლოგი, გინეკოლოგი, ტრავმატოლოგი, ნევროპათოლოგი, ნევროლოგი. უმაღლესი რანგის სპეცილისტები. გვინდა, რომ ჩვენი დაწესებულების ფუნქციონირება ამ აქციით დავიწყოთ“,-ამბობს „აბასთუმნის ფილტვის ცენტრის“ დირექტორი რევაზ ჟღენტი.

მისი თქმით, გარდა ადიგენისა, მსურველებს რეგიონის სხვა მუნიციპალიტეტებიდანაც გასინჯავენ: „10:00 საათიდან დაიწყებენ და დღის ბოლომდე გაგრძელდება, ამ პერიოდში ვინც მოვა შევეცდებით ყველას მოვემსახუროთ“.