“საქმე 19 წლის ბიჭის გარდაცვალებას ეხება, აქ მაინც დავანებოთ პოლიტიკურ ინსინუაციებს თავი”

გიორგი შაქარაშვილის გარდაცვალების საქმეზე ოპოზიციის მხრიდან საგამოძიებო ორგანოების მიმართ კრიტიკას, მმართველ გუნდში უპასუხეს.

საპარლამენტო უმრავლესობის ლიდერი მამუკა მდინარაძე ამბობს, რომ კონკრეტული პოლიტიკური ძალები ამ ტრაგედიის პოლიტიზირებას ცდილობენ:

“ერთი მხრივ, გამოძიება ინტენსიურად მიმდინარეობს, ობიექტურობაში ეჭვის შეტანის საფუძველი რეალურად არ გვაქვს და მეორე მხარეს მოგონილი ამბებით დაბომბვა ხდება პროკურატურის და შს სამინისტროსი. შეუძლებელია ამ ფონზე ადამიანმა რაღაც დასკვნა გააკეთოს. ამიტომ მოდით შევთანხმდეთ ერთ რამეზე, ხომ არის რაღაცა საკითხები, 19 წლის ბიჭის გარდაცვალებას ეხება, აქ მაინც დავანებოთ პოლიტიკურ ინსინუაციებს თავი, მართლა გადავდოთ ყველაფერი გვერდზე და ვთქვათ, რომ ამაზე სპეკულირება არ შეიძლება,” – განაცხადა მამუკა მდინარაძემ.