“კეზერაშვილი არ “პრავდება” ისევე, როგორც – “პოლიტპატიმარი” რურუა”

„ახალგაზრდული ცენტრის” ხელმძღვანლის, ზურაბ ქადაგიძის თქმით, „ნაციონალური” ხელისუფლების თავდაცვის უწყების ყველა არაოფიციალურ საქმიანობას მინისტრი კეზერაშვილი ხელმძღვანლობდა. ამის შესახებ ქადაგიძე სოციალურ ქსელში წერს.

„2009 წელს ჰილარი კლინტონის ადმინისტრაციის კატეგორიული კითხვები „ნაციონალური მოძრაობის” მმართველობის თავდაცვის სამინისტროს მიმართ – რა ურთიერთობა აქვს კომპანია „ბელ თრეიდინგ კონსალტინგს” თავდაცვის უწყებასთან? აქვს თუ არა სამინისტროს ინფორმაცია იმის შესახებ, თუ რა არალეგალურ საქმიანობას აწარმოებს აღნიშნული კომპანია და ა.შ. (საკითხი ვრცელია). ეს ის „ბელ თრეიდინგ კონსალტინგია”, რომელთანაც პირდაპირ კავშირშია თემურ ალასანია, ხოლო „ნაციონალური” ხელისუფლების თავდაცვის უწყების ყველა არაოფიციალურ საქმიანობას ხელმძღვანლობდა მინისტრი კეზერაშვილი. ეს ის მინისტრია, რომელიც ახლა „თავისუფალი მედიის” მთავარი მედროშე და „ნაციონალური” მოძრაობის დამფინანსებელია. კეზერაშვილი არ „პრავდება” ისევე, როგორც – „პოლიტპატიმარი” რურუა”, – წერს ქადაგიძე.