„თელავში, ერთ-ერთ საკარანტინო ზონაში გარდაცვლილ ახალგაზრდას წინასწარი ინფორმაციით, მეტადონის პროგრამაში მონაწილეობის შესახებ განაცხადი არ ჰქონდა გაკეთებული“, – ამის შესახებ დაავადებათა კონტროლის ცენტრის ხელმძღვანელმა, ამირან გამყრელიძემ ჟურნალისტებთან საუბრისას განაცხადა.
„მე არ მინდა, დაუზუსტებელი ინფორმაცია მოგაწოდოთ. მიმდინარეობს მოკვლევა. წინასწარი ინფორმაციით, მას ასეთი განაცხადი არ ჰქონია გაკეთებული, მაგრამ ჯერჯერობით მიმდინარეობს სასამართლო სამედიცინო ექსპერტიზა და საბოლოო ინფორმაცია მოგვიანებით გახდება ცნობილი.
რადგან საკითხი ეხება სულ უკანასკნელ საათებში მომხდარ ფაქტს, ახლა დეტალებზე ვერ ვისაუბრებ“, – განაცხადა გამყრელიძემ.
გამყრელიძის ინფორმაციით, ამ ეტაპზე მომხდართან დაკავშირებით მიმდინარეობს მოკვლევა და სხვა ყველა დეტალი მოგვიანებით გახდება ცნობილი.
თელავში მდებარე საკარანტინო ზონაში ერთი მოქალაქე გარდაიცვალა. ბიჭი საზღვარგარეთიდან ჩამოვიდა და სავალდებულო კარანტინს გადიოდა.