მე არ მგონია, რომ ეს სწორი გადაწყვეტილებაა ნიკა მელიას მხრიდან, როცა არ თანხმდება გირაოს გადახდასა და იმ შესაძლებლობაზე, რომელიც ამ შემთხვევაში არსებობს და მისცემს მას შესაძლებლობად, რომ განთავისუფლდეს საპატიმროდან, – ამის შესახებ პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძემ განაცხადა.
მისივე თქმით, როგორც ჩანს, ნიკა მელია ცდილობს, თავი წარმოაჩინოს მსხვერპლის როლში და დივიდენდები მიიწეროს.
„ეს არ მგონია სწორი იყოს. იმდენად აშკარადაა საზოგადოებისთვისაც, რომ პატიმრობის შემოქმედი თავად ნიკა მელიაა, რომ ვფიქრობ, ეს არ არის ის ფინტი, რითაც შეიძლება საზოგადოებას თვალებში ნაცარი შეაყაროს“, – განაცხადა მიხეილ სარჯველაძემ.
კომენტარები