თანდათანობით, როდესაც ეს პარტია უკიდურეს დესტრუქციაზე გადავა, მათ დაემართებათ ის, რაც გუშინ დაემართა ნინო ბურჯანაძეს, რომელიც არ მიიწვიეს შეხვედრაზე. ამით შარლ მიშელმა და ევროკავშირმა აღიარეს, რომ ნინო ბურჯანაძემ არჩევნებზე 1%-იც ვერ აიღო, – ამის შესახებ ტელეკომპანია „იმედის“ გადაცემაში „იმედის ფაქტორი“ ანალიტიკოსმა, გია აბაშიძემ განაცხადა.
„ძალიან მნიშვნელოვანი იყო შარლ მიშელის განცხადება, რომ საკუთარი თვალით ნახა, რა ხდება საქართველოში. გარკვეული ინფორმაცია საელჩოებიდან იქ მიდის, მაგრამ ბოლომდე მაინც ვერ წავა, ვინაიდან ქვეყანას არ აქვს ისეთი ძლიერი საინფორმაციო მანქანა. ამას წინათ „ნაციონალურმა მოძრაობამ“ კიდევ ერთხელ გაიგრძელა ლობისტური შეთანხმება აშშ-ში. რაც „მთავარ არხზე“ გადის სიუჟეტებში – ნეგატიური გზავნილები, დეზინფორმაცია და ტყუილი ინგლისურად ითარგმნება და მიეწოდება კონგრესმენებს. თანდათანობით, როდესაც ეს პარტია უკიდურეს დესტრუქციაზე გადავა, მათ დაემართებათ ის, რაც გუშინ დაემართა ნინო ბურჯანაძეს, რომელიც არ მიიწვიეს შეხვედრაზე. ამით შარლ მიშელმა და ევროკავშირმა აღიარეს, რომ ნინო ბურჯანაძემ არჩევნებზე 1%-იც ვერ აიღო. ბოლოს „ნაცმოძრაობასაც“ ასე მიუჯახუნებენ კარებს ოფიციალურ დასავლურ სტრუქტურებში“, – განაცხადა გია აბაშიძემ.