დღეს პირველი ნახტომი გვაქვს, იანვრის შემდეგ ერთი დღის განმავლობაში ათასზე მეტი შემთხვევა არ ყოფილა, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა.
მისივე თქმით, მაჩვენებელი საყურადღებოა, რადგან ნიშანია, რომ ქვეყანაში ეპიდვითარება თანდათან უარესდება.
„შესაძლებელია ეს დაკავშირებულია იმასთან, რომ შაბათ-კვირის გარკვეული რაოდენობის რეპორტინგი (ანგარიშგება) ხდება სამშაბათს, თუმცა შემთხვევების რაოდენობა მაინც ძალიან საყურადღებოა. პირდაპირ გეტყვით, საგანგაშოა. ქვეყანაში ამ დღეების განმავლობაში ეპიდსიტუაცია თანდათან უარესდება, ასეთი ნახტომისებური მატება იანვრის შემდეგ არ ყოფილა“, – განაცხადა ამირან გამყრელიძემ.
კომენტარები