უნდა აღინიშნოს, რომ პარლამენტის დროებითმა საგამოძიებო კომისიამ, რომელიც არჩევნების საკითხებს სწავლობდა, ძალიან მნიშვნელოვანი სამუშაო შეასრულა, – ამის შესახებ საპარლამენტო უმრავლესობის წევრმა ალუდა ღუდუშაურმა განაცხადა.
მისი თქმით, დროებითი საგამოძიებო კომისიის მუშაობა იყო გამჭვირვალე და ღია.
„საგამოძიებო კომისიის მუშაობის პროცესი ერთი მხრივ, უაღრესად მნიშვნელოვანი იყო, მეორე მხრივ – გამჭვირვალე და ღია. კომისიის მუშაობის პროცესში გამოჩნდა ტექნიკური ხასიათის ადამიანური ხარვეზები, რაც ვფიქრობ, რეკომენდაციის სახით იქნება დასკვნაში აღნიშნული. მეორე მხრივ იმ საკანონმდებლო რეგულაციებს, რომელიც ძირითადად ჩვენ „ქართულმა ოცნებამ“ მივიღეთ და უკვე კანონის სახით გვაქვს, გადაფარავს და დააზღვევს ყველა ასეთ ტექნიკურ ხარვეზს“, – განაცხადა ალუდა ღუდუშაურმა.
კომენტარები