ვერაზე მოკლული ნიკა კვარაცხელიას მამიდა ნანი კვარაცხელია აცხადებს, რომ ფაქტი არ მოჰყოლია კრიმინალურ გარჩევას.
„პატივი ეცით ნიკოს ხსოვნას. მადლიერი ვართ თქვენი, ნიკოს რომ ასე მოიხსენიებთ. უბრალოდ, ძალიან გთხოვთ, ნუ შეფუთავთ ამ ამბავს კრიმინალურ გარჩევად. არანაირი კავშირი ნიკოს ამ სამყაროსთან არ ქონია. ნუ აკიდებთ ცოდვებს ბავშვს, ჩვენს ოჯახს, ჩემს ძმას ამხელა დანაშაულები რომ ქონოდა, თავის ცოლ-შვილს თავის სამშობლოში და ამ შუაგულ ქალაქში ხუთი შვილით არ აცხოვრებდა.
ჩვენ, ნათესავები ამდენი წელია, აქ ვცხოვრობთ და არანაირი საფრთხე არ გვიგრძვნია, არასოდეს არავისი შეგვშინებია, რადგან ღვთისა და ქვეყნის წინაშე მართლები ვიყავით. ჩაწყნარდება ეს სიტუაცია, გაირკვევა მტყუან-მართალი. ნიკოს დაფასებისთვის, ჩემი უსაყვარლესი ძმისშვილის ხსოვნისთვის კიდევ ერთხელ გთხოვთ, არ დამიმახინჯოთ სიმართლე“, – აღნიშნა ნანი კვარაცხელიამ.