როგორ უნდა თქვა, რომ მიხეილ სააკაშვილი არის პოლიტპატიმარი. თუ ქართულ მართლმსაჯულებას არ ენდობი, სადაც ის სამივე ინსტანციაში გამტყუნდა, ხომ არის სტრასბურგის გადაწყვეტილებაც, სადაც შავით თეთრზე წერია მისი დანაშაულებების შესახებ. ამ მოცემულობაში ოპოზციის ნაწილს ეყო გონიერება და გაემიჯნა პროცესს. სწორია მათი ეს ტაქტიკა, – ამის შესახებ საპარლამენტო უმრავლესობის წევრმა, ირაკლი ზარქუამ „ნაციონალური მოძრაობის“ მიერ ხვალ დაგეგმილ აქციასთან დაკავშირებით განაცხადა.
„ხვალ შეიკრიბება „ნაციონალური მოძრაობა“ ადამიანები, რომელთათვისაც სააკაშვილი ღმერთია, რომელთაც ჰგონიათ, რომ გელაშვილმა თვითონ იცემა თავი, გირგვლიანის ტრაგედია არ მომხდარა. ახლაც მიდის გამოძიებები „იმედის“ დარბევასა და 9 მილიონის გაფლანგვაზე. ვისაც ჯერა, რომ იქ უმწიკვლო პატიმარი ზის და უსამართლოდ იხდის სასჯელს, კი ბატონო, იყვნენ ამ ილუზიის ტყვეობაში“, – განაცხადა ირაკლი ზარქუამ.