ლუგარის ლაბორატორიაში ახალი შემთხვევების სერიოზული დაკვირვება მიმდინარეობს,- ამის შესახებ დაავადებათა კონტროლის ცენტრის დირექტორმა ამირან გამყრელიძემ საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.
„ლუგარში ახალი შემთხვევების სერიოზული დაკვირვება მიმდინარეობს იმ შემთხვევაში, თუ პაციენტებში რამე არატიპური კლინიკური გამოვლინება დაფიქსირდება და შეგვიძლია ვთქვათ, რომ ქვეყანაში დაფიქსირებული ყველა შემთხვევა ჯერჯერობით „დელტა“ შტამია. თუმცა, სწორედ „დელტა“ შტამს აღმოაჩნდა სერიოზული თავისებურებები, უფრო აგრესიულია, ახალგაზრდა ასაკსაც ეხება და რაც მთავარია ამ შტამს რეინფიცირების დიდი პოტენციალი აღმოაჩნდა. ამიტომაა, რომ რეინფიცირების შემთხვევები ქვეყანაში გაზრდილია“, – აღნიშნა ამირან გამყრელიძემ.
კომენტარები