თენგიზ ცერცვაძის თქმით, ვაქცინაციაზე მომართვიანობა კიდევ უფრო შემცირებულია. ინფექციური საავადმყოფოს დირექტორმა „ქრონიკასთან“ საუბრისას აღნიშნა, რომ მდგომარეობა უფრო და უფრო საგანგაშოა.
„მდგომარეობა უფრო და უფრო საგანგაშოა, რადგან მოსახლეობის ქცევის მხრივ არანაირი დადებითი ტენდენცია არ შეინიშნება. შემთხვევების რაოდენობა იმატებს, შესაბამისად, ნაკლებად, მაგრამ მაინც იმატებს გარდაცვლილთა რიცხვი. ვაქცინაციაზე მომართვა არა თუ არ იზრდება, არამედ კიდევ უფრო იკლებს“, – განაცხადა თენგიზ ცერცვაძემ.
კომენტარები