უკრაინის პირველმა ლედიმ, ოლენა ზელენსკამ ერთ-ერთ ინტერვიუში ომის დაწყების დღე გაიხსენა. ამის შესახებ პირველმა ლედიმ უკრაინულ ICTV -სთან ინტერვიუში ისაუბრა.
ზელენსკა იხსენებს, როგორ გააღვიძა ფანჯრის მიღმა აფეთქებების ხმამ, მისი თქმით, ამ დროს მისი მეუღლე, ვოლოდიმირ ზელენსკი ოთახში არ იმყოფებოდა.
“გვერდით ოთახში შევედი, მეუღლე იქ იყო და უკვე ჩაცმული, პიჯაკში, მაგრამ ჰალსტუხის გარეშე. ვკითხე რა ხდებოდა, მან მხოლოდ ეს თქვა – “დაიწყო”, – ციტირებს ზელენსკის სიტყვებს პირველი ლედი.
ამის შემდეგ ელენა ზელენსკას ამბობს, რომ ქმარი დიდი ხნის განმავლობაში არ უნახავს.
„ორნახევარი თვე საერთოდ არ გვინახავს ერთმანეთი, მხოლოდ ტელეფონზე ვსაუბრობდით. ოჯახი, ისევე როგორც ყველა უკრაინული ოჯახი, გაყოფილია. ჩემს ქმარს ვერავინ წამართმევს, თუნდაც ომი“, – ამბობს ზელენსკა.