რუსული მედიის ცნობით, მოსკოვში ანტისაომარი განწყობებით ცნობილი აქტივისტი და პოეტი – არტიომ კამარდინი აწამეს და გააუპატიურეს.
გამოცემა „Новая газета. Европа“-ს ინფორმაციით, ძალოვნები კამარდინის ბინაში შეიჭრნენ, აქტივისტს ფიზიკური შეურაცხყოფა მიაყენეს და გააუპატიურეს.
დაზარალებულის მეგობარი გოგონა ამბობს, რომ მომხდარის ვიდეოკადრები არსებობს.
მოგვიანებით რუსეთის პროსახელისუფლებო Telegram არხზე ვიდეო გამოქვეყნდა, რომელშიც კამარდინი ერთ-ერთ აქციაზე ალკოჰოლის ზემოქმედების ქვეშ მყოფი უკრაინის მხარდამჭერი სიტყვებისთვის ბოდიშს იხდის.
ამჟამად, კამარდინი საავადმყოფოში იმყოფება. კამარდინსა და კიდევ ორ აქტივისტზე სისხლის სამართლის საქმე სიძულვილის გაღვივების მუხლითაა აღძრული.
კომენტარები