მტკივნეულ საკითხებზე, რომელიც ჩვენს ქვეყანას ეხება, აუცილებელია, რომ მოქმედმა პოლიტიკოსებმა უფრო მჭიდრო კონტაქტი იქონიონ საზოგადოებასთან, – ამის შესახებ მოძრაობა „ხალხის ძალის“ ლიდერმა მიხეილ ყაველაშვილმა განაცხადა.
„ის, რომ ჩვენმა მოძრაობამ მეტი პიროვნება შეიძინა, ესეც ბუნებრივად იყო გამოწვეული, რადგან იმ დამოკიდებულებას, რომელიც ჩვენ გავთქვით, რომ საზოგადოებისთვის მეტი სიმართლე მიგვეწოდებინა, გულშემატკივარი ბევრი ჰყავდა. იმ მტკივნეულ საკითხებზე, საშიშროებაზე, უსაფრთხოებაზე, რომელიც ჩვენს ქვეყანას ეხება, აუცილებელია, რომ მოქმედმა პოლიტიკოსებმა უფრო მჭიდრო კონტაქტი იქონიონ საზოგადოებასთან“, – აღნიშნა ყაველაშვილმა.
მოძრაობა „ხალხის ძალას“ კიდევ ხუთი დეპუტატი, ეკა სეფაშვილი, ვიქტორ ჯაფარიძე, დავით კაჭარავა, დაჩი ბერაია და ზაალ მიქელაძე შეუერთდა.