პოლონეთის პრემიერ-მინისტრმა, მატეუშ მორავეცკიმ განაცხადა, რომ პოლონეთი ევროკავშირისგან ანაზღაურებას მოითხოვს Leopard-ის ტანკებისთვის, რომელსაც უკრაინას მიაწვდის.
პოლონურ მაუწყებელ TVN-თან ინტერვიუში მატეუშ მორავეცკიმ აღნიშნა, რომ ეს მოთხოვნა იქნება „ევროკავშირის კეთილგანწყობის კიდევ ერთი გამოცდა“ და დასძინა, რომ იმედოვნებს, რომ ეს მოხდება.
23 იანვარს, პოლონეთის პრემიერ-მინისტრმა, მატეუშ მორავეცკიმ განაცხადა, რომ პოლონეთის მთავრობა უკრაინას Leopard 2-ის ტანკებს მიაწვდის, თუ ის მოახერხებს სახელმწიფოთა მცირე კოალიციის შექმნას, რომლებიც იგივეს გააკეთებენ.
პოლონეთის მთავრობის მეთაურის თქმით, თუ ეს პირობა დაკმაყოფილდება, პოლონეთი მზად იქნება, უკრაინას გერმანული წარმოების აღნიშნული ტანკები მიაწოდოს ოფიციალური ბერლინის თანხმობით ან მის გარეშე.
კომენტარები