“ჩემი წარმოდგენა არის ის, რომ სააკაშვილი საზღვარგარეთ უნდა გადაიყვანონ”

ჩემი წარმოდგენა არის, რომ მისი გადაყვანა უნდა მოხდეს საზღვარგარეთ, – ამის შესახებ „ნაციონალური მოძრაობის“ წევრმა, ხატია დეკანოიძემ მიხეილ სააკაშვილზე საუბრისას განაცხადა.

„თუ რაიმე სხვა სამედიცინო ჩარევა შეიძლება, (და მე ალტერნატივა ჯერჯერობით ვერ მოვისმინე ხელისუფლებისგან) მაშინ რა თქმა უნდა, გაუმჯობესდებოდა მისი მდგომარეობა“, – აღნიშნა დეკანოიძემ.

მიხეილ სააკაშვილის დედამ, გიული ალასანიამ 29 იანვარს განაცხადა, რომ მათი თხოვნა მსჯავრდებული სააკაშვილის საზღვარგარეთ სამკურნალოდ გადაყვანა კი არა, სასჯელის გადავადებაა.