თბილისის მერის მოადგილე ირაკლი ხმალაძე აცხადებს, რომ მეტო „ვარკეთილის“ დაკეტვის დროს მოსალოდნელი უხერხულობის თავიდან ასაცილებლად, მერია საზოგადოებას ალტერნატიულ ტრანსპორტს შესთავაზებს.
ხმალაძის თქმით, მეტროს რეაბილიტაციის ფარგლებში, „ვარკეთილის“ სადგური ზაფხულის პერიოდში, უკეთეს შემთხვევაში, 40 დღით დაიკეტება.
„18 თვის განმავლობაში უნდა მოხდეს სარეაბილიტაციო სამუშაოების წარმოება. ამ წლის ზაფხულის პერიოდში ივნისი-აგვისტოს მონაკვეთში, დაახლოებით ორი თვით, შეიძლება იდეალურ შემთხვევაში სულ 40 დღე იყოს. შეიძლება მეტროს გაჩერება მოგვიწიოს. ამ პერიოდში ჩვენ ალტერნატიული ტრანსპორტით მოსახლეობას აუცილებლად უფრო ინტენსიურად მოვემსახურებით, რომ გადაადგილებასთან დაკავშირებით პრობლემები არ გვქონდეს“, – განაცხადა ხმალაძემ.
კომენტარები