“სააკაშვილმა ჯერ პარტია დაშალა და, როგორც ჩანს, რ2-საც იგივეს უპირებს”

თეოლოგი ბექა მინდიაშვილი რუსთავი ორში მიმდინარე პროცესებს  აფასებს. “გამსახურდიამ ხელისუფლებაში მოსვლისთანავე გააჩაღა საკუთარ თავთან უმოწყალო ომი – თითქმის ყველა მისი პოლიტიკური ნაბიჯი საკუთარი ძალაუფლების წინააღმდეგ იყო მიმართული; შევარდნაძემ დაახლოებით 2000 წლიდან დაიწყო თავისი ტახტის ნჯღრევა; სააკაშვილს, თვითგანადგურებისკენ ძლიერი სწრაფვის მიუხედავად, ბევრი რამ აკავებდა (განსაკუთრებით – დასავლეთი), მაგრამ ივანიშვილთან წინასაარჩევნო ომში ყველა შეცდომა დაუშვა, რაც კი შეიძლებოდა ან არ შეიძლებოდა დაეშვა. ბოლოს კი, ჯერ საკუთარი პარტია დაშალა, და, როგორც ჩანს, ახლა რ2-საც იგივეს უპირებს. ნუთუ ასეთი წარმოუდგენლად დიდი ფასი უნდა გადავიხადოთ იმისთვის, რომ იმ ბრძენმა კაცმაც ბოლომდე შეხრას და გააცამტვეროს საკუთარი ძალაუფლების სტაფილო? ”